Ting å gleda seg over

Inspirert av Eva Marie og Ragnhild, her kjem ei liste over ti ting eg gleder meg over.
1. Det er berre kampar ein ikkje kan gå glipp av igjen i VM.
2. Det har vore nokre fantastiske sumarkvelder i det siste.
3. Eg fekk svar på kven det er som legg ut brødskiver på Grønland torg, like ved Meny. Ein dag regna det brødskiver rundt meg, og då såg at ein gamal gubbe stod på taket og kasta ut brødskiver. No står det att og finna ut kvifor.
4. Eg skal hit, hit og hit i juli.
5. På Grønland er det nokre som har fiksa opp eit hus som har stått tomt lenge, og det vert grønt. Det liker eg.
6. I går fekk eg stadfesta fordommane mine mot USAmerikanarar. Eg orkar ikkje gje att heile diskusjonen, men det som skjedde var at ein amerikansk ryggsekkturist spurde om å få sitja ved eit bord der eg og ein fransk kamerat sat og drakk rådyrt belgisk øl . Det fekk han lov til, men reagerte umiddelbart på Che Guevara-tskjorta mi. Han spurde om eg var kommunist, noko eg svarte ja på. då vart han spinnvill og kalt meg gal, og sa at i USA drep dei slike som meg. Eg sa at han hadde bede om å få sitja ved bordet, og no fekk han oppføra seg eller gå. Då meinte han at eg  var mot ytringsfridom... Vel, han var innom at USA redda Noreg og Frankrike under krigen og at eg var idiot som ikje hadde pengar som målestokk for lukke. Han stakk då vi byrja å le av den utruleg stereotype oppførselen hans. Men det var ikkje alt. No kom sjølvsagt ein hjartablødande liberalar som også var frå USA bort til oss og skulle fortelja kor trist han tykte det var med landsmannen sin nettopp hadde gått. Og så lang tid det tok... Så, eg kunne gleda meg over å møta to stereotypar av kvite USAmerikanarar i levande live.
7. Eg vann eit gåvekort på 200 kroner i Sommerquiz på TV2. Ikkje akkurat dei 10 000 eg hadde håpa på, men likevel noko å gleda seg over.
8. Eg har fått billeg overnatting i Praha, med tilhengarar av kluibben FC Bohemians.
9. Eg skal snart ta av meg gipsen på armen.
10. Eg har endeleg skrive litt på bloggen min.