Eg har funne ut at eg liker gode tv-seriar betre enn filmar. Tv-serier fortal gjerne ei historie ferdig på ein time, samstundes som dei har underliggjande plott som varer lenger enn det. Av dei seriane som går på norske kanalar ser eg for tida på Rome, Presidenten og dei diverse byutgåvene av CSI, pluss Entourage på svensk tv. Det er berre Rome eg *må* få med meg. I det siste har eg innsett at det er mogleg å fylgja med på tv via ymse vis på internett. Eg vil tilrå folk å sjå Studio 60 on the Sunset strip og Heroes. Studio 60 er laga av dei same folka som stod bakom Presidenten, og handlar om folk som løper frå møte til møte medan dei snakkar med kvarandre. Dei er vittige, vakre og veltalande. Men no lagar dei ikkje politikk, men skriv vitsar. Handlinga er frå eit tv-show som liknar veldig på Saturday Night Live. Om du liker Presidenten vil du lika denne serien, serleg ettersom du ikkje vert lurt til å heia på demokratane.
Ei anna serie det er verdt å få med seg er Heroes. Det er ei serie om mutantar som sakte men sikkert oppdagar superkreftene sine. Eg liker den veldig godt. Om du liker X-men og superheltar må du sjå denne serien.
6 kommentarer:
Er ikkje Den tredje vakta på lista di? det bør du gjere noko med - ein bra serie, altså. men det er mogleg at den går midt i CSI-tid.
Rome er skikkeleg spanande. Personleg er eg glad for at eg veit nok om historie til at eg klarar å hengja med på kven folk er, men ikkje so mykje at eg veit alt som kjem til å skje.
CSI er òg bra, særleg Miami-varianten.
Det er jo ein god del av det som skjer i Rome som berre er oppspinn då, det at ein legionær var far til Cæsarion til dømes.
CSI har eg gått lei etter kvart... Det skal eit veldig godt mord til før eg held ut heile episoden.
Elles skal dei som stod bak Entourage laga ein liknande serie frå Wall street. Det trur eg kan verta veldig bra.
Forresten, her er ei samling med eilinarar frå Horatio Caine i CSI: Miami...
http://www.tvsquad.com/2006/11/22/why-horatio-caine-gives-me-the-creeps-video/
"Det er jo ein god del av det som skjer i Rome som berre er oppspinn då, det at ein legionær var far til Cæsarion til dømes."
Kva veit eigentleg me om det ;-)
Heisann,
Tenkte å tipse deg om en side for deg som elsker tv-serier! Sjekk ut http://www.tvtid.com
Siden har tv-guide, episodekalender og masse mer for tv-serie-fans. Har de aller fleste populære seriene. Sjekk da :)
Legg inn en kommentar